Агенцијата за промоција и поддршка на туризмот (АППТ) изработи гастрономска карта и гастрономски водич за традиционални специјалитети, со цел збогатување на туристичката понуда и зголемување на промоцијата на државата. Периодов што следи ќе бидат изработени и видеоматеријали за истата намена, најавуваат од агенцијата.
„Илустрираната гастрономска карта има за цел да ги мапира регионите каде има традиционална подготовка на македонски јадења. Идејата е да ги поканиме патниците на гурманска тура низ С. Македонија, да уживаат во регионалните вкусови. Брошурата содржи фотографии и текстови за гастрономијата во Република Северна Македонија, културата за неа, храна или друг пијалак кој оди со рецептот, настани или манифестации поврзани со гастрономијата“, велат од АППТ.
Од Агенцијата посочуваат дека гастрономскиот водич е во вид на патеписни приказни за вкусовите на земјава, преточени преку приказни за гастрономијата, виното, традицијата, фолклорот и културното наследство во нашата земја.Брошурата содржи локални или регионални традиционални рецепти за одредени јадења од сите осум плански региони, карактеристични за тој регион или локално место од тој регион.
Освен во печатено издание брошурата „Вкусот на мојата земја“ е поставена на веб-страница.
Leave a comment