Улицата Столтенбергова која поминува покрај Градскиот стадион и салата и фудбалските игралишта на Работнички во Градскиот парк конечно ќе се реконструира. Оваа фреквентна улица е делумно пропадната, искршена и целата е со дупки. Советот на Општина Центар на последната седница ја прифати одлуката на Град Скопје за меѓуопштинска соработка, односно за реконструкција на Столтенбергова.
За поправка и санирање од градската каса ќе бидат издвоени околу 5 милиони денари, а работите ќе ги изведе ЈП Улици и Патишта-Скопје.
Засега нема најави кога ќе отпочне реконструкцијата иако таа е дел од подпрограмата Ј6-одржување на улици летно.
Дали со оваа реконструкција коцката на улицата ќе биде тргната и замената со асфалт се уште не се знае.
Општина Центар ќе треба да ги решава и можните имотно правни спорови како и да издаде решение за реконструкција.
Leave a comment