Втора државна изложба на кучиња од расата „македонски паничар“

Кинолошкиот клуб „Македонски паничар“ в сабота во паркот во Ѓорче Петров ќе ја организира втората државна изложба на кучиња од расата „македонски паничар“ во сите возрасни категории, а ќе се избере и државен првак на Македонија.

Оценувањето на кучињата и изборот на државниот првак на Македонија ќе се случува од 11:30 до 13 часот Претходно, од 10 до 11 часот според програмата ќе бидат доделени дипломи на наградените уќеници од прво до деветто одделение за ликовниот и литературен конкурс „Македонскиот паничар – чувар на семејната среќа“. Потоа, од 11 до 11:15 часот е настапот на едукативното – фолкорно здружение „Седум осмини“.