Се реновираат кујните во школите „Блаже Конески“ и „Лазо Ангеловски“

Се реконструираат кујните и трпезариите во основните училишта „Блаже Конески“ и „Лазо Ангеловски“ во Општина Аеродром. По завршување на реконструкцијата која ќе финализира пред почетокот на новата учебна година, двете училишта ќе добијат нови кујни и трпезарии со имплементиран ХАСАП стандард. За прв пат оваа година оброците во „Блаже Конески“ ќе бидат целосно подготвувани во новата кујна.

„Грижата за учениците и подобрувањето на условите за реализација на наставата ја потврдуваме и со низа градежни интервенции во неколку основни училишта. Овие инвестициите, набавката на новите таблети и униформи и субвенциите за учениците од прво одделение со сигурност ја прават Аеродром општина која инвестира во модерен и современ образовен процес“, велат од Општината.