Во населбата Лисиче и со новата, втора верзија на Деталниот урбанистички план ЈИ 09.01, која ја изработи Општина Аеродром по протестите на граѓаните се предвидуваат згради. Наместо девет сега се нацртани две згради односно оставени се маркичките за најголемите објекти.
Зградата која е со најголема површина и се наоѓа на аголот меѓу булеварот Србија и улицата 12. Македонска бригада останува со 12 ката односно приземје, 10 ката и поткровје, но намален е габаритот. Нема да биде цел блок туку направена е дупка па всушност ќе има две кули од 12 ката, а меѓу нив деловен простор од два ката. Зградата која се наоѓа до неа и беше со висина од 8 ката, сега ќе биде приземје, 3 ката и поткровје. Останатите маркички се избришани, односно куќите остануваат со намена за индивидуално домување.
Според новата верзија на планот кој е изложен на јавна презентација до 10 јули, оставена е постојната ширина на улиците, а избришана е новопроектираната улица за која требаше да се одземе од дворовите на граѓаните.
Жителите на населбата Лисиче два пати со блокирање на булеварот Србија протестираа против новиот ДУП, кој како што велат е смрт за населбата, ќе ја бетонизира и ќе го уништи мирниот маалски живот.
Leave a comment