Автобус на ЈСП „Скопје“ денеска остана дефект на булеварот Партизански одреди кај Градежен факултет. Патниците кои се возеа во него беа симнати од автобусот и возачот им рече да фатат друг бидејќи возилото е расипано и чека да биде сервисирано и однесено во гаража.
„Кај нема автобуси, фали уште да се расипуваат. Сега додека дојде друг ќе се изначекаме“, коментираа патници кои се симнуваа од возилото.
Пола година јавниот превоз во Скопје е во колапс. Откако приватниците престанаа да возат оти градоначалничката Данела Арсовска престана да им плаќа и им должеше 1,5 милиони евра, на улиците нема доволно автобуси. ЈСП „Скопје“ нема капацитет да ги покрие линиите на кои сообраќаа приватниците, па патниците со саати чекаат автобус.
Арсовска најави дека оваа недела ќе се вратат приватниците на улиците, но автобуси уште нема.
Leave a comment