Секојдневно граѓаните се соочуваат со огромни гужви од автомобили и камиони кој го блокираат потегот кон Клиничката болница Систина и Визбегово.
Поради асфалтирање на кружниот тек и изведба на градежни работи, чија цел е да разбие тесното грло во сообраќајот на овој дел од градот, оневозможено е движењето по двете коловозни ленти, по што граѓаните мораат да се движат од едната страна по една лента.
Иако има ненормални гужви и се чека и до половина час да се помине овој дел од градот, никому не му е грижа ниту пак има сообраќаен полицаец кој ќе помогне сообраќајот да се движи побрзо.
„Несфатливо е зошто работните активности се извршуваат во текот на денот за време на високи температури и зголемен сообраќај, а за време на викендите не се работи“, револтирано изјави С.Ѓ.
Имено, на оваа клучна сообраќајница секојдневно поминуваат илјадници возила, како и товарни камиони.
Leave a comment