ПАК ШТРАЈК ВО ЈСП: Вработените излегуваат на улица, незадоволни се од платите и условите за работа

Дел од вработените во ЈСП во вторник од 4.30 часот наутро ќе почнат со штрајк. Штрајкот е поради усогласување на минималната плата со Колективниот договор на ниво на работодавач и кршење на правата од работен однос и безбедност и здравје при работа.

„Од страна на Градоначалникот на Град Скопје, ;леновите на Советот на Град Скопје, работодавачот ЈСП-Скопје и УО на ЈСП-Скопје, не се преземени никакви чекори во правец на одржување средба со раководството на СО на СПАЈС при ЈСП-Скопје, со цел надминување на проблемите“, велат од Синдикалната организација на СПАЈС при ЈСП „Скопје“.

Во ЈСП има неколку синдикати, а овој штрајк го организира само Синдикалната организација на СПАЈС кој има најмалку членови.