КУЛТУРА

Првата самостојна изложба на Марта Патлиџанковска, насловена „Портрети“

Во среда (28 јуни) во Галеријата на Факултетот за ликовни уметности ќе се отвори првата самостојна изложба на Марта Патлиџанковска, насловена „Портрети“.

На изложбата која ќе започне во 20 часот, како што се посочува во најавата, Патлиџанковска се претставува со ликовни решенија, платна со големи димензии, работени во комбинирани техники, во кои доминира експресијата на бојата.

„Со динамични и експресивно груби потези на четката, пастуозно ,,шкрабање“ на површината со боја директно од туба и употребата на спреј, Патлиџанковска ја зголемува острината на потегот, така што целокупната содржина трепери и делува вибрантно. Воодушевена од колористичките експерименти, без однапред утврден концепт и дефинирана идеја, создава смели ликовни решенија кои припаѓаат на реалистичката ликовна сфера, со асоцијативен и симболички призвук. Така, лексиката на нејзиното сликарство ќе ја бараме во симбиозата на фантазијата и јавето, во сверата на свесното и потсвесното“, се додава во најавата за настанот.

Патлиџанковска е родена во 1999 година во Скопје. Во 2022 година дипломирала на Факултетот за ликовни уметности во Скопје, на катедра сликарство, во класата на Жанета Вангели.

Изложбата ќе биде отворена до 7 јули.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Препорачуваме

Related Articles

КУЛТУРА

Изложба на слики во акварел на Илина Поповска

Во среда на 29 мај во 19:30 во Лабораториум, ќе се одржи...

КУЛТУРА

Кинотека во рамки на проектот Сезона на филмски класици ќе го реставрира Мис Стон

Кинотека ова година ќе го реставира филмот МИС СТОН на Жика Митровиќ,...

КУЛТУРА

Изложбата „Али Фети Окјар – истомисленик и соработник на Ататурк“ во Чифте амам

Во Чифте амам во Старата скопска чаршија отворена е изложбата под наслов...

КУЛТУРА

Монументалниот документарен проект „Скопје 63“ на Вељко Булајиќ во Кинотека на Македонија

Во четврток на 23 мај во 20:00 часот во Кинотека на Македонија,...