Огромна дупка со недели зјае на улицата Бледски договор во Општина Карпош. Кратерот тешко може да се избегне, па граѓаните велат дека ги искршиле колите, чекајќи некој да ја закрпи дупката.
Станува збор за доста прометна улица бидејќи на неа се наоѓа поликлиниката „Букурешт“, болницата „8 Септември“ и приватната клиника „Жан Митрев“, па пациентите кои се носат во болниците се трускаат на дупката. На истата улица се наоѓа и средното училиште „Никола Карев“, а минуваат и автобуси на ЈСП „Скопје“.
Жителите на овој дел од Карпош велат дека дупката стои неколку недели, но никој од Град Скопје, ЈП „Улици и патишта“ или Општина Карпош не ја гледаат и не ја санираат.
Leave a comment