Од утрово по неколку дена пауза повторно има градежни активности на улицата Рузвелтова, поради што во овој дел од градот се создава метеж во сообраќајот.
Затворена за движење на возила е едната страна на улицата во насока од булевар Партизански одреди до Илинденска. Возилата се движат по една лента во двете насоки. Долж улицата ппставни се знаци, а машини и камиони кои работат има на сите страни што го отежнува сообраќајот.
Како што најавија од Град Скопје улицата ќе се прави два месеци односно до средината на мај. Нов асфалт се поставува на површина од 7.350 метри квадратни.
Според податоците на Бирото за јавни набавки Град Скопје на 30 ноевмри 2022 склучи оговор со фирмата „Топ Билд ДООЕЛ“ за реконструкцијата на потегот од булевар Партизански одреди до булевар Илинден. Овој зафат ќе чини околу 190.000 евра.
Leave a comment