Се поставува атмосферска канализација на дел од „Борис Трајковски“

Започнати се градежните активности на булеварот „Борис Трајковски“, кај Пинтија до мостот на Маркова река. Реконструкцијата е со должина од 2.325 метри, а вклучува и изградба на нов кружен тек пред мостот со дијаметар од 20 метри.

Според активностите кои се во тек, се поставува нова атмосферска канализација со вкупна должина од 2270 метри, пешачки патеки од двете страни на булеварот, изградба на велосипедска патека и ново осветлување по долж на целата траса.

Надминати се проблемите со експропријација во вкупна површина од 37.047 м2, а во тек е експропријацијата на останатите 10.988м2, известуваат оттаму.