Улицата Рузвелтова на потегот од улица Орце Николов до булевар Илинден стои раскопана цела недела и нема никакви градежни работи. На 15 март по налог на Град Скопје фирмата „Топ Билд ДООЕЛ“ почна да го гребе асфалтот. На улицата беа донесени неколку камиони и се затвори една коловозна лента. Неколку дена се работеше на изведување на пешачката патека, на која беа поставени бакатон плочки, а потоа градежните работи престанаа, камионите си заминаа.
Сега улицата стои со дупка покрај пешачката патека и со затворена коловозна лента.
Од Град Скопје не кажаа што ќе се работи, дали ќе се реконструира цела улица односно што предвидува проектот.
Според податоците на Бирото за јавни набавки Град Скопје на 30 ноевмри 2022. склучи оговор со фирмата „Топ Билд ДООЕЛ“ за реконструкцијата на потегот од булевар Партизански одреди до булевар Илинден. Овој зафат ќе чини околу 190.000 евра.
Leave a comment