Детското инклузивно игралиште во населбата Влае, до плоштадот Делфина е целосно запуштено. Иако игралиштето секој ден е полно со деца од околните згради на кои ова им е единствено место за играње, никој не се грижи за него. Општина Карпош како да го заборавила па тоа стои со искршени реквизити и полно со ѓубре.
Лулашките кои беа наменети за децата со посебни потреби се искршени и извадени, стојат сама шипките на кои беа поставени. Подот кој е прилагоден за деца во делови е изваден, а не функционираат и дел од останатите реквизити. Освен што е демолирано, преполно е со ѓубре, па децата играат меѓу кеси, пластички шишиња и друг отпад.
Инклузивното детска игралиште беше направено во време на ексградоначалникот Стефан Богоев и чини 50 илјади евра. Финансиери на проектот беа Министерството за локална самоуправа, Швајцарскатата агенција за соработка и развој и Општина Карпош
Leave a comment