Непријатна мизизба се шири низ Скопје откако три дена ѓубрето од контејнерите не се собираше. Од вчера контејнерите почнаа да се празнат откако работниците на ЈП „Комунална хигиена“ го прекинаа штрајкот, но просторот околу нив смрди од исцедокот од ѓубрето кои се трупаше. Смрдат и самите садови за смет.
Просторот и патеките околу контејнерите не се мијат, па поради топлото време миризбата е неподнослива. Не се поминува покрај нив, а голем дел се наоѓаат на пешачки и велосипедски патеки.
„На Скопје му треба едно големо перење и целосна дезинфекција. Не може само да се собере ѓубрето, а да не се измијат тротоарите кои се лепат од исцедокот од ѓубрето и се шири смрдеа“, велат граѓани.
Скопје три дена беше затрупано во ѓубре откако вработените престанаа да го собираат ѓубрето бидејќи директорката Косана Мазнева-Николиќ избрка 50-тина вработени.
Leave a comment