Четврти ден главниот град е затрупан со ѓубре. Иако вчера градоначалничката Данела Арсовска и директорката на ЈП „Комунална хигиена“ рекоа дека издвојувале победа и Скопје се чисти, и утрово скопјани се разбудија затрупани со смет. Контејнерите не се празнат, ниту пак се собира ѓубрето околу нив. Напротив тоа сè повеќе сe таложи.
Ниту Општините не можат да го исчистат сето ѓубре кое се трупало со денови. Тие немаат механизација која може да ги подига контејнерите, па затоа само со работници се собираат купиштата смет околу нив.
Ѓубрето во Скопје за прв пат во историјата на градот престана да се собира оти вработените излегоа на штрајк незадовлни од Арсовска и Мазнева. Револтот беше поради тоа што се избркани од работа 3о-тина лица, меѓу кои и синдикалниот лидер. Вчера тие по состанок со Сојузот на синдикатите на Македонија одлучија да го прекинат штрајкот, а барањата да ги бараат по институционален пат.
Leave a comment