Скопските градоначалници бараат градоначалничката Данела Арсовска да го расформира ЈП „Комунална хигиена“ и механизацијата да им ја даде нив. Велат дека Арсовска не е способна да го води Градот што се виде со состојбата со ѓубрето и затоа бараат тие да ја преземат таа должност.
„Тоа беше и согласување од страна на градоначалничката пред неколку месеци која што истото го изнесе на еден од состаноците како став дека треба ‘Комунална хигиена‘ да се расформира и да ни се предадат надлежностите нам. Ние сметаме дека со многу помалку ресурси за она што го плаќаат граѓаните ќе овозможиме многу поквалитетна услуга од оваа услуга која што ја нема денеска“, рече градоначалникот на Општина Кисела Вода Орце Ѓорѓиевски.
Ѓубрето во Скопје се уште не е исчистено иако вработените во „Комунална хигиена“ вчера пречинаа со штрајкот и се вратија на работа. Скопје буквално беше затрупано во смет па потребни ќе бидат неколкку дена состојбата да се врати во нормален тен.
Leave a comment