АКТУЕЛНО

ССМ: Мазнева не смее да се заканува и да го избрка од работа првиот синдикалец на „Комунална“

Сојузот на синдикатите на Македонија денеска најостро ги осуди заканите кон вработените во ЈП „Комунална хигиена“ Скопје по објавеното видео во медиумите каде што се слуша како директорката Косана Мазнева-Николиќ упатува закани и навреди кон вработените.

„ССМ најостро го осудува потегот на раководството да избрка од работа поголема група на вработени како и да го избрка од работа претседателот на Синдикатот на Комунална хигиена при СУТКОЗ, Дели Дардишта, кој има над 30 години работно искуство и тоа исклучиво поради синдикалната борба која ја води за работниците.Укажуваме дека на претседател на синдикат не може и не смее да му се откажува договор за вработување и дека ССМ ќе ги искористи сите расположливи механизми за заштита на претседателот Дели Дардишта од нечовечкиот однос на раководството во ЈП ‘Комунална хигиена‘‚ се вели во соопштениеот од Сојузот на синдикати на Македонија.

Од ССМ велат дека целосно ги поддржуваат вработените кои веќе неколку денови изразуваат револт кон раководството бидејќи, отпуштени биле десетици вработени, но и поради тоа што не им се исполнуваат барањата за зголемување на платите, К-15 и бенефициран стаж.

„Работниците се извинуваат на граѓаните поради тоа што не се собира сметот и ги инфирмираат дека револтот е против раководството на ЈП Комунална хигиена“, додаваат од ССМ.

Скопје втор ден смрди и е затрупано во ѓубре оти работниците не ги празнат контејнерите. Велат дека така ќе биде додека не се исполнат нивните барања и додека Манева-Николиќ не си даде оставка од функцијата.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

АКТУЕЛНО

Новогодишна еуфорија во април, Арсовска уште од сега не спрема за идниот дочек на Нова година

Новогодишна еуфорија во април месец сеуште може да се забележи во главниот...

АКТУЕЛНО

Вечерва мултимедиајлен настан „Танец во фокусот“ во Кинотека

Вечерва во Кинотека на Македонија во 19 часот, ќе се одржи мултимедиајлен...

АКТУЕЛНО

Започна реконструирањето на тротоарот на улицата „Народен фронт“ во Центар

Општинските служби го започнаа реконструирањето на тротоарот на улицата „Народен фронт“ во...

АКТУЕЛНО

„Лајка“ ќе организира макенбал за кучиња во Градски парк

ЈП „Лајка“ во недела во Градски парк во Скопје ќе организира маскенбал...