Актуелниот градоначалник на Бутел, Дарко Костовски во предизборниот период како едно од главните ветувања што ги даде пред граѓаните беше уредувањето на кејот на реката Серава што минува низ оваа општина. Сепак реалноста е поинаква, на фејсбук страницата го „Те сакам Бутел“ објавени се фотографии на кои се посочува дека општинско возило исфрла ѓубре токму покрај реката Серава.
Откога дојде на градоначалничката функција, Дарко Костовски започна со проектот за чистење и уредување на кејот на реката Серава. На 3 ноември 2021 година, тој најави дека е започнато чистењето на речното корито кое требаше да трае до пролетта 2022 година, кога беше планирано да отпочне уредувањето на самиот кеј.
Костовски во мај минатата година најави дека „Општина Бутел наскоро ќе го уредува речното корито на Серава“, но тоа веројатно остана само најава.
Реката Серава е веќе е во критична фаза, а жителите се загрижени од можната појава на зараза од ѓубрето на сите страни.
Извор: Градска.мк
Leave a comment