МАГАЗИН

Објавени годинашните доделувачи на „Оскарите“

Крис Хемсворт, Двејн Џонсон, Зендеја, Мишел Фајфер, Бед Бани, како и оскаровците Николас Кејџ и Ал Пачино се меѓу новообјавените доделувачи на овогодишните „Оскари“.

Претставени се и минатогодишните четворица победници во категориите за глума – Брендан Фрејзер од „Кит“, како и Мишел Јео, Ке Хју Куан и Џејми Ли Кертис од победникот за најдобар филм „Сè насекаде одеднаш“. Оскаровците Махершала Али, Џесика Ланг, Метју Меконахи, Лупита Њонго и Сем Роквел, исто така, треба да излезат на сцената.

Меѓу познатите кои ќе ги најават победниците на 96-тото доделување на „Оскарите“, се и Мајкл Китон, Реџина Кинг, Џенифер Лоренс, Кејт Мекинон, Рита Морено, Џон Мулени, Кетрин О’Хара, Октавија Спенсер и Реми Јусеф.

Свеченоста ќе се одржи во „Долби театарот“ во Лос Анџелес, ноќта меѓу 10. и 11 март (недела кон понеделник).

Раџ Капур ја има улогата на извршен продуцент и одговорен за текот на емисијата, заедно со другите продуценти Моли Мекнирни и Кети Мулан. Комичарот Џими Кимел се враќа како домаќин, т.е. водител.

Околу наградите, оваа година филмот „Опенхајмер“ на Кристофер Нолан води со 13 номинации, па следат „Бедните“ на Јоргос Лантимос со 11, и „Убијци на цветната месечина“ на Мартин Скорсезе со 10 можности за признание. Заокружувањето на одбраните 10 филма го прават „Американска фикција“, „Анатомија на падот“, „Барби“, „Додржувачи“, „Маестро“, „Минатите животи“ и „Зона на интерес“.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

МАГАЗИН

Совети за родители и поуспешни деца

Начинот како се разговара со децата и како родителот се однесува во...

МАГАЗИН

Марго Роби подготвува филм за играта „Монопол“

о светскиот успех на филмот „Барби“, Марго Роби повторно му се навраќа...

МАГАЗИН

И покрај благодетите на јаболката, постои момент кога не смеете да ги консумирате

Она што повеќето луѓе не го знаат е дека постои одредено време...

МАГАЗИН

Минатиот месец забележан како „најтоплиот март“ во светот

Минатиот месец беше „најтоплиот март“ забележан на глобално ниво, според мерењата направени...