МОЕ ЗДРАВЈЕ

ИЈЗ: За седум дена пријавени 17 нови случаи на голема кашлица

Во последните седум дена, од 9 до 15 февруари се пријавени 17 нови случаи на голема кашлица, со зголемување од 21 отсто во однос на претходниот неделен период за пријавување, покажуваат податоците од неделниот извештај на Институтот за јавно здравје(ИЈЗ).

Од ИЈЗ информираат дека сите пријавени случаи се од Скопје, а најголем број се од возрасната група од 10 до 19 години. Според податоците на ИЈЗ, од новите 17 случаи, пет случаи се хоспитализирани, од кои три деца на возраст до четири години, и по едно во возрасна група од 5 до 9 години и од 10 до 14 години.

Од ИЈЗ посочуваат дека од добиените податоци од центрите за јавно здравје низ целата земја во периодот од 18 јануари до 14 февруари пронајдени се 4 197 деца пропуштени за вакцинација, од нив се вакцинирани 984 (23 отсто).

-Од вакцинираните, најголем број и процент примиле I-ва ревакцина (439; 45 отсто).  Согласно возраста и Календарот за редовна вакцинација, вакцинирани се 4.679 деца на возраст до 7 години, а најголем број и процент (1.591; 34 отсто)  од вакцинираните примиле II ревакцина на школска возраст, посочуваат од ИЈЗ.

Првиот пријавен случај со голема кашлица беше јануари годинава. Заклучно со вчерашниот ден во ИЈЗ се регистрирани вкупно 39 случаи на голема кашлица. Најголем број од граѓаните кои се заболени со голема кашлица живеат во Скопје – 33 (84,6 отсто) во девет различни општини, три лица во Куманово, двајца во Гостивар и еден во тетовско Боговиње.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

МОЕ ЗДРАВЈЕ

4 начини како да ja ублажите болката во зглобовите

Проблемите со зглобовите можат да влијаат на квалитетот на вашиот живот, но...

МОЕ ЗДРАВЈЕ

Причинители на „изрецкан јазик“

Многумина имаат тн. „изрецкан јазик“ – кога тој орган има вдлабнатини или...

МОЕ ЗДРАВЈЕ

Како да ја зголемите меморијата и концентрацијата со 4 методи

Како да ја зголемите меморијата и концентрацијата со 4 методи. Ние нудиме...

МОЕ ЗДРАВЈЕ

Совети за сезоната на крлежи

Од заразните болести, менингоенцефалитис, меѓу другите, се пренесува преку крлеж. Тоа е...