АКТУЕЛНО

Во Аеродром е поставен првиот соларен полнач за електрични тротинети

Општина Аеродром е првата општина во Македонија во која во која е поставен полнач за електрични тротинети кој работи на соларна енергија, а ќе биде достапен за користење на сите граѓани. Станува збор за проект кој се реализира во рамките на проектот на Центарот за климатски промени, „Патоказ до вашата еко-паметна општина“, финансиран од амбасадата на САД, а кој е насочен кон поголемо искористување на обновливите извори на енергија.

Полначот е поставен во дворот на основното училиште „Александар Македонски“, а бидејќи е прв од ваков вид кој се поставува во Македонија, тој ќе биде во фаза на тестирање до 1 декември, по што сите граѓани ќе можат бесплатно да го користат. Со полначите, граѓаните ќе имаат можност бесплатно да користат чиста и зелена енергија, а со тоа директно да придонесат кон намалување на емисиите на загадувачки супстанци.
Градоначалникот на Општина Аеродром, Тимчо Муцунски вели дека општината континуирано инвестира во проекти и инфраструктура кои поттикнуваат користење на обновливи извори на енергија и промовираат алтернативни средства за сообраќај.

„Се надеваме дека овој проект ќе биде поттик за граѓаните да користат чиста енергија за транспорт, а со тоа заедно ќе придонесеме кон подобрување на животната средина во нашата општина“, напиша Муцунски на својот Фејсбук профил.

Филип Стојановски од Центарот за климатски промени се заблагодари на Општина Аеродром и како што рече, се надева дека овој пример ќе биде поттик и за останатите општини да размислуваат во насока на поголемо искористување на сончевата енергија и да овозможиме средина каде автомобилите ќе се користиме се поретко.

Од Општина Аеродром информираат дека покрај денешната активност, општината постави фотоволтаици за сите основни училишта и градинки, активно работи на поставување енергетски ефикасни фасади на повеќе детски градинки и училишта, како и на доделување на субвенции за велосипеди и електрични тротинети. Веќе втора година во општината се реализира проектот „Clean AirDrom“ кој е финансиран од страна на Европската унија и има за цел да воспостави примарен систем за селекција и рециклирање на отпадот.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

АКТУЕЛНО

Лицата со попреченост може да поднесуваат барања за повластено користење на јавниот превоз

Заинтересираните граѓани, лицата со оштетен вид, лицата со оштетен слух, лицата со...

АКТУЕЛНО

Аеродром станува првата смарт-општина во Македонија – објавен повикот за избор на стратешки партнер

Општина Аеродром го објави повикот на избор на стратешки партнер кој преку...

АКТУЕЛНО

Општина Карпош купи седум електрични тротинети за потребите на вработените

Општина Карпош, со издвоени средства од Буџетот набави седум нови електрични тротинети...

АКТУЕЛНО

Жирафата Флопи угинала како последица на малиген тумор на црниот дроб и метастази во белите дробови

По добиените официјални резултати од обдукцискиот протокол за угинувањето на жирафата Флопи,...