Вчерашното невреме во Скопје предизвика оштетувања на кровни конструкции, на повеќе места беа паднати дрва и бандери со кабли,. На бројот 112 во Центарот за управување со кризи стигнале 40-тина повици. Триесетина од нив се однесувале на паднати дрва на различни локации во градот кои го попречуваат движењето на граѓаните и одвивањето на сообраќајот, паднати бандери со струјни и телефонски кабли.
Покрај во Скопската котлина, невреме со поинтензивни процеси попладнето ги зафати и Пробиштип, Виница, Кочани и Кратово,.
Како што најави Управата за хидрометеоролошки работи денес ќе биде претежно сончево и многу топло. Ќе дува слаб до умерен ветер претежно од северозападен правец. Минималната температура ќе биде во интервал од 12 до 21, а максималната ќе достигне од 33 до 40 степени. УВ индексот ќе изнесува девет.
„До среда ќе се задржи многу топло време со високи утрински и дневни температури, како и многу висок УВ индекс. Најтопло ќе биде во вторник и во среда, кога ќе дува засилен југозападен ветер. Значителна промена ќе има во четврток, кога ветерот ќе се промени во северен, а дневната температура ќе се намали за десетина степени“, велат од УХМР.
Leave a comment