Евротинк со проект за млади во Општина Бутел

Центарот за европски стратегии Евротинк вечерва со почеток во 18 часот, во просториите на Општина Бутел ќе ја одржи презентацијата на Локалната младинска стратегија на Општина Бутел 2023 – 2028 година. Тоа е и завршниот настан во рамки на проектот „Општина Бутел отворена за младите“.

Настанот ќе биде отворен за сите заинтересирани граѓани, а ќе бидат присутни сите засегнати страни кои на директен или индиректен начин учествуваа во реализацијата на Стратегијата, како и на активностите и целите на проектот „Општина Бутел, отворена за младите“, велат од Евротинк.

Проектот започна со спроведување на 1 септември 2022 година, а е финансиран од Европската Унија во рамки на проектот „Младинско учество за силен и одржлив развој на заедницата″ спроведуван од страна на Коалицијата на младински организации СЕГА.