АКТУЕЛНО

СМО: Ноќните температури ќе надминат 30 степени, што е лошо за здравјето

„Топлотниот бран што ја погоди северната хемисфера ќе се засили оваа недела и ќе доведе до покачување на ноќните температури и до зголемен ризик од срцеви удари и смртни случаи“, објави Светската метеоролошка организација (СМО).

Оттаму предупредуваат дека топлотниот бран е во својата рана фаза и се очекува температурите во Северна Америка, Азија, северна Африка и во јужна Европа да бидат над 40 Целзиусови степени поголем број денови.

„Тоа може да значи дека полноќните температури во некои области ќе бидат над 30 степени оваа недела. Повторувањето на високите ноќни температури е особено опасно за човечкото здравје зашто телото не може да закрепне од постојаната топлина. Тоа води кон зголемен ризик од срцеви удари и смртни случаи“, изјави Џон Нерн, виш советник за екстремна топлина во СМО.

Од Меѓународниот црвен крст кажаа дека во најголем ризик се доенчињата, старите и луѓето со хронични здравствени проблеми.

Експертите велат дека минатата година во Европа починале над 61.000 луѓе поради горештините.

СМО предвидува нови рекордно високи температури во следните денови. Европскиот рекорд е 48,8 степени, измерени на Сицилија во 2021, а светскиот изнесува 56,7 степени, колку што било регистрирано во Долината на Смртта во Калифорнија во јули 1913.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

АКТУЕЛНО

Стопанска Триоги триатлон трка во Скопје, утре ќе има посебен режим на сообраќајот

Вкупно 300 учесници од шест земји се пријавени за 4. Стопанска Триоги...

АКТУЕЛНО

Скопје деветта година дел од „The Distinguished Gentlmens Ride“

Урбаните моторџии традиционално и годинава за утре го имаат закажано хуманитарното дефиле...

АКТУЕЛНО

Францускиот институт со прва дигитална интерактивна изложба во Ист гејт мол

Францускиот институт во Скопје , во рамките на одбележувањето на 50-годишнината на постоењето...

АКТУЕЛНО

Денес, бесплатен влез во музеите

На овој ден музеите во земјата традиционално ги отворат своите врати и...