Се чисти и уредува животната средина во Аеродром

Пред неколку месеци во општина Аеродром почна примената на новиот концепт за одржување на хигиената на јавните површини во општината.

„Преку успешно воспоставен модел и во постојана комуникација со жителите на Аеродром, започнавме систематски да ги решаваме локалните проблеми поврзани со одржување на зеленилото и чистење на депониите и отпадот во целата општина. Следствено на ова, состојбата во Аеродром e сериозно подобрена и поразлична, а овие активности со зголемен обем продолжуваат во текот на летото, особено за време на високите температури. Комуналните служби и механизацијата на општината, со поддршка на приватниот економски оператор, тековно и навремено ги сервисираат потребите на аеродромци поврзани со одложување и чистење на сметот, а редовно се спроведува, чистење и миење на јавните површини и отстранување на кабастиот отпад“, се вели во соопштението.