Општина Кисела Вода стартуваше со градежни работи на улицата Герника во Драчево. Нов асфалт ќе биде поставен на површина од околу 2.800 метри квадратни.
„За итната потреба од градежен зафат говори самата состојба во која се наоѓа Герника, но и нејзината важност како сообраќајница која води кон главна улица на која секојдневно се одвива јавниот градски превоз, која претставува конекција со железничката станица и која дополнително очекуваме да биде многу користена откако ќе го завршиме со изградбата на новиот рекреативен центар во ,,Дупки” со летно кино“, вели градоначалникот Орце Ѓорѓиевски.
Со проектот се предвидува и изведба на тротоар поплочен со павер елементи долж целиот потег и паркинг за 30 возила.
Leave a comment