Не остава читава клима во двокатните автобуси на ЈСП „Скопје“. Речиси повеќе од половина од пластичните перки се демолирани, искршени и извадени, па огромни дупки зјаат во возилата. Од дупките на патниците им дува право во глава и се жалат дека на вториот кат не се седи оти дува од дупките.
Од ЈСП не добивме одговор на нашите прашања зошто не ги поправат оштетените перки на климите во автобусите.
Секое лето патниците мака мачат со климите во автобусите. Во возилата во кои работат се искршени и дува од сите страни, а во дел пак од возилата климите не работат.
Двокатните кинески автобуси беа набавени во 2011 година. Тогаш Владата купи 202 кинески двокатни и 80 украинските нископодни автобуси кои чинеа 57 милиони евра.
Leave a comment