Конечно ќе се асфалтираат дупките на улица Бледски договор, ќе биде раскопана 2 месеци

Општина Карпош почна со реконструкција на улица Бледски договор, кај поликлиниката Букурешт и болницата 8 Септември. Оваа улица подолг период е целата изрешетана со дупки и прокопи. Низ неа секојдневно минуваат и возила на Брза помош со болни пациенти кои се трускаат по дупките

Реконструкцијата на улицата ќе трае 2 месеци, а се прави со договор меѓу Министерството за транспорт и врски и Општина Карпош, во рамките на проектот „Градежни работи за подобрување на инфраструктурата на локалните патишта за избрани општини согласно изработени основни проекти – Дел 2“.

Изведувач на градежните активности е фирмата „Бауер“.