Констрактна и Нина Кравиц вечерва на Скопје колинг

Вечерва на стадинот на АРМ во Градски парк ќе се одржи фестивалот Скопје колинг.

Фестивалот ќе се отвори со музичко-визуелното шоу на „Лајбах“ околу 21 часот. Покрај легендарниот словенечки бенд, во програмата се и Констракта, „Ниплпипл“, „Буч Кесиди“ и руската техно ѕвезда Нина Кравиц.

„Лајнапот е за публика од седум до 60-70 години, ако имаме предвид дека публиката на Констракта и ‘Буч Кесиди‘ е помлада, а публиката на ‘Ниплпипл‘ и Нина Кравиц е од средни години. Продукциски, сè ќе биде на највисоко светско ниво“, вели Бобан Милошески од „Аволон продукција“.

Од „Авалон“ информираа дека досега се продадени повеќе од 5.000 карти и појаснија зошто оваа година нема да настапи ниеден домашен бенд.