Хрватската ѕвезда Петар Грашо ќе пее во рамките на Културното лето и одбележувањето на роденденот на Општина Кисела. Културно-забавните случувања почнуваат од утре – четврток 22 јуни и ќе траат до 29 јуни, кога ќе настапат низа македонски изведувачи, уметници, како и хрватскиот пејач Петар Грашо.
Културното лето ќе има три фестивалски вечери, на 22, 23 и 24 јуни, на две локации-во Расадник (просторот спроти ООУ „Кирил Пејчиновиќ“) и на Три круши во Драчево.
Отворањето е закажано за четврток, 22.06. во Расадник. Од 21 часот диџеј сет ќе има DJ Mats, а по него, од 22 часот следи концерт на Два Бона.
На 23 јуни во петок, журката продолжува на Три Круши во Драчево, каде ќе настапат КУД Китка, Сузана Спасовска и Миле Кузмановски.
Од 21 часот во недела стартува финалната вечер. За одлична журка ќе се погрижи познатиот Жаре Бербер со Галама бенд, а по него следи голем концерт на Петар Грашо кои ќе ги пее своите безвременски хитови.
Leave a comment