КУЛТУРА

Скопско лето по 44 –ти пат со преку 30 културни настани и богата програма ја одржува традицијата како еден од најдобрите фестивали за култура

Денеска во 11:00 Никола Глигоров, директорот на Дирекцијата за култура и уметност, одржа прес конференција во градската кафеана Пелистер за да го најави почетокот на фестивалот „Скопско лето“.

Многубројни музички настапи, изложби, театарски претстави и танцови перформанси ќе понуди 44.издание на фестивалот „Скопско лето“, што секоја година традиционално се одржува од 21 јуни до 31 јули.

„Годинава исто имаме околу 30-ина настани на „Скопско лето, по еден секој ден. Како и секоја година, најзастапена ќе биде музиката, затоа што тоа е универзалниот јазик на комуникација меѓу цивилизациите, меѓу народите, но ќе има и театарски престави, ликовни изложби и различни форми на уметничко изразување“, нагласи директорот Глигоров.

И покрај тоа што основата на програмата на Фестивалот „Скопско лето“ ја претставуваат домашни уметници, годинава ќе има и богат избор на меѓународни програми. За поголемиот дел од настаните влезот е слободен.

Фестивалот „Скопско лето“ ќе се отвори на 21 јуни на првиот ден на летото и Светскиот ден на музиката со концерт на Факултетот за музичка уметност. Покрај овој концерт ќе се одржат плус два концерти со хорот од Национална опера и балет, како и Гала оперски концерт.

Ќе се прикажат две театарски претстави за деца и тоа од Театарот за деца и младинци и од Сашо Ристовски. Факултетот за Драмски уметности ќе се претстави со неколку проекти. Ансамблот на Танец ќе одржи концерт на 22 јуни на плоштадот Карпошево востание. Концертна промоција на албумот ,,Вида” на MIYATTA ќе се случи на 28 јуни во Куршумли ан. Ацо Кондев и Џон Илија Апелгрин ќе се претстават со изложување на дел од нивните фотографии и тоа во КИЦ и во Кинотека на Македонија. Од театарските претстави ќе бидат претставени најдобрите остварувања на Македонски народен театар и Драмски театар и тоа „Лагата“ од Флоријан Зелер во режија на Бесфорд Идризи и „Кафез кај кокони“ во режија на Димче Николовски за која секогаш се бара билет повеќе.  Дел од настаните ќе се одржат во Сули-ан, Куршумли-ан, фоаје на НОБ, Музеј на македонската борба.  Скопско лето ќе се затвори со настап на словенечкиот квинтет Камерата Академика во Музејот на македонската борба.

Целата програма можете ја следите на фб профилот на Скопско лето.

Скопско лето е синоним за масовна посетеност и исполнетост со активна публика. Програмата која што ја нуди, доминира со квалитет и дел од содржини коишто скопјани немаат прилика да ги видат другпат. И оваа година, најголемиот дел од програмата на „Скопско лето 2023“ ќе биде посветен на домашните изведувачи, но фестивалот ги отвора вратите и за меѓународна соработка, па се најавуваат гости од Словенија, Америка како и од соседството.

Фестивалот „Скопско лето“ е во организација на Дирекцијата за култура и уметност. Никола Глигоров, директорот на Дирекцијата за култура и уметност на Скопје, осврнувајќи се генерално за годинашното издание на „Скопско лето“, рече дека како дирекција се обиделе да направат програма која ќе одговара на потребите, интересот на граѓаните на Скопје, Глигоров рече дека овој фестивал има мултимедијална програма и сака да комуницира со најмладите, децата, па сѐ до повозрасните.

Од организацијата на фестивалот се надеваат дека временските услови ќе бидат во прилог на настаните, бидејќи голем дел од настаните се на отворено.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

КУЛТУРА

„Љубив во топка“- најновата книга на Ана Јовковска

„Љубов во топка“ е најновата книга на пистаелката Ана Јовковска која беше...

КУЛТУРА

ГЕРАСИМОВСКИ: Романот на Ксенија Николова „Зад маските” е уште една успешна приказна на општината

“Романот на Ксенија Николова „Зад маските” е уште една успешна приказна на...

КУЛТУРА

„Поетска епизода #10“ посветена на 100 години надреализам во Буква

Во кафе-книжарницата „Буква“ вечер во 20 часот ќе се одржи десеттата „Поетска...

КУЛТУРА

Концерт во рамки на фестивалот „Денови на македонска музика“ во НОБ

Со почеток во 20 часот во Националната опера и балет (НОБ), ќе...