Над 252 тони отпад се собрани во рамките на еколошката акција „Генералка викенд“ што од 12 до 14 мај по трет пат се спроведе во 51 општина и повеќе од 300 училишта и градинки низ државата. Во акцијата се исчистени повеќе од 304 локации, со учество на 15.811 волонтери, што покажува дека бројот на учесници е речиси двојно зголемен во споредба со минатата година. Според резултатите секој волонтер во просек собрал по 16 килограми отпад.
„Податоците од собраниот и селектириран отпад го покажуваат токму она што сакаме јасно да се види: од вкупно 252 тони, само 55.5 тони завршија на депонија, а останато има употребна вредност и се искористи како потенцијална секундарна суровина, кажаа министерката за животна средина и просторно планирање Каја Шукова.
Министерството за земјоделство, шумарство и водостопанство најави дека за секои 10 килограми собран отпад ќе биде посадено по едно дрво наесен, со што се дава придонес во создавањето нов живот. Согласно постигнатите резултати ќе бидат засадени околу 25.000 дрвја.
Еко-акцијата е организирана од „Пивара Скопје“ и „Пакомак“.
Leave a comment