„The Witcher 3 “ е деветта најпродавана игра на сите времиња

Полскиот развоен тим „CD Projekt Red“ неодамна се пофали со повеќе од импресивни бројки за франшизата „The Witcher“, која продаде повеќе од 75 милиони примероци. Очекувано, најголемата бројка паѓа на суперуспешниот „The Witcher 3“, што е продаден во повеќе од 50 милиони примероци.

„Ова јасно ја покажува силата на франшизата и ние сме возбудени за претстојните проекти во „Witcher“ универзумот“, коментира шефот на CDPR Адам Кичински.

За продажба секако придонесе објавувањето на триото издание за следната генерација на конзоли, што се појави на крајот на минатата година.

Како и да е, „The Witcher“ во моментов е деветтата најуспешна игра на сите времиња, зад неа е легендарниот „Pokemon Red/Blue/Yellow“ со 47,5 милиони продадени копии. „Minecraft“ се уште е на прво место, со продадени над 238 милиони примероци.