Од следната учебна година сите основни училишта на територија Карпош ќе имаат безбедносни камери. Видео камерите ќе бидат насочени кон влезот и аглите на училиштата, но и кон училишните дворови. На седницата на советот на Општина Карпош, се разговараше и за обезбедување центар кој ќе врши 24 часовен мониторинг, а во случај доколку постои потреба за интервенција, веднаш ќе се извести надлежната полициска станица.
„Сметам дека треба да се фокусираме кон безбедноста во школските установи, да го контролираме јавниот ред и мир особено во ноќните часови, посебен акцент треба да се стави на оштетување на општинскиот имот и јавните реквизити, секако на однесувањето на учесниците во сообраќајот, како и спречување на кражбите и разбојништвата“, додаде градоначалникот на Општина Карпош, Стевчо Јакимовски.
Leave a comment