Министерот за внатрешни работи Оливер Спасовски информираше дека денеска се исплаќа бонус плата за вработени во МВР кои оствариле над 150 часа прекувремена работа на годишно ниво за 2022 година.
„Откако го преземав раководењето со МВР, како приоритет се воспостави редовната исплата на бонус плати за над 150 изработени часови прекувремена работа на годишно ниво, како гарантирано право на вработените во МВР согласно Колективниот договор“, вели министерот Спасовски, нагласувајќи ја исплатата на претходните бонус плати.
– Колку за илустрација, ако бонус платата во 2017 година поединечно изнесуваше 22.928 денари, во 2023 година можеме да се пофалиме со бонус плата за 2022 година во поединечен износ од 31.859 денари, што претставува зголемување на износот од безмалку 40%, вели Спасовски, додавајќи дека за актуелното раководство на МВР императив е подобрувањето на статусот на вработените, а во насока на етаблираниот концепт „Задоволна полиција – безбедни граѓани”.
Leave a comment