КУЛТУРА

Петта Меѓународна недела на архивите

Меѓународниот архивски совет од денеска до петок ја организира петтата Меѓународна недела на архивите (#IAW2023), која ќе биде во знакот на одбележувањето на јубилејот 75 години од формирањето на Меѓународниот архивски совет (International Council on Archives – ICA) под покровителство на УНЕСКО, организација која ги обединува архивите и архивистите од целиот свет.

Како што информира Државниот архив, важноста на записите, архивите и архивската професија е темата која ќе биде популаризирана во рамките на онлајн-сесиите кои се предвидени да се реализираат, а во кои ќе учествуваат архивски институции и архивисти.

Оваа недела Меѓународниот архивски совет почнува кампања на социјалните медиуми, која ќе биде посветена на градењето на архивската заедница #ArchivesUnited во изминатите 75 години.

– Меѓународниот ден на архивите – 9 Јуни, со текот на годините прерасна во Меѓународна недела на архивите при што архивски професионалци од околу 200 држави во овој период сакајќи да го свртат вниманието на јавноста преку различни форми го промовираат сопственото работење и значењето на архивите, се вели во соопштението.

Од Државниот архив информираат дека ќе дадат придонес во одбележувањето на Меѓународната архивска недела со што денеска ќе биде поставена изложбата „Македонија памети – никогаш да не се заборави“ во Домот на културата „Илинден“ во Демир Хисар. Архивистите од Државниот архив, како што се наведува, активно ќе се вклучат во вебинарите на МАС и ќе споделат сопствени искуства од работата.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

КУЛТУРА

Промоција на „Шарени ириси“ – новата хибридна инклузивна сликовница во издание на „Арс Ламина“

Новата хибридна инклузивна сликовница на кирилско писмо и на Брајова азбука во...

КУЛТУРА

Разни поетски настани, домашни и странски учесници на годинешниот „Скопски поетски фестивал“

Младинскиот културен центар ‒ Скопје (кино „Фросина“), градската библиотека „Браќа Миладиновци“ ‒...

КУЛТУРА

Трибина на тема „Големи приказни од мали земји“, средба со писателката Зејнеп Севде

Богата програма од дури осум настани во Младинскиот културен центар најавува 6....