Топлото време ја отвори вратата за сезоната на омилените летни обувки, еспадрили. И оваа година се носат широк спектар на еспадрили – рамни и со полна потпетица, класични и модерни, оние со неочекувани детали или сосема едноставни.
Какви и да одберете, нема да погрешите. Еспадрилите се удобни и практични летни обувки, но и привлечни.
Оваа пролет и лето дизајнерите особено се посветија на еспадрилите. Многу брендови изненадија со модели кои комбинираат класична еспадрила со авангардни детали како високи платформи и нови материјали.
Ова лето еспадрилите ќе бидат достапни во различни бои и дезени – од цветни принтови до впечатливи геометриски дезени. Новитетите се тантела, везови и апликации кои додаваат романтичен и женствен шмек. Се појавија и еспадрили со светки и мониста.
Еспадрилите може да се комбинираат со лелеави панталони, долги здолништа или фустани. И тие можат да се носат во секоја пригода – преку ден или навечер.
Исто така, на омилениот пролетен настан во Велика Британија, принцезата од Велс Кејт Мидлтон ги донесе своите омилени еспадрили кои ги носи од 2019 година.
Leave a comment