Завршени се 70 отсто од градежните активности на улицата Ленинова.
Во моментов се уредува горниот строј на улицата и тротоарите. Поставена е атмосферската, водоводната и фекалната канализација, кабловската мрежа е спуштена под земја, се отстрануваат старите дрвени бандери и се ослободуваат тротоарите. Се поставуваат бехатон плочки на пешачките патеките, при крај е изведбата на велосипедските патеки, се оформува урбаното зеленило и се работи на изведба на резидентните паркинзи.
„По реконструкцијата, граѓаните ќе добијат улица со нов лик и повеќе зеленило, нови тротоари, резидентен паркинг по цела должина на улицата, нова урбана опрема и еколошки ефикасно ЛЕД улично осветлување. Безбедна и квалитетна улица изведена во согласност со сите современи стандарди за функционалност“, велат од Општина Центар.
Градежните работи треба да бидат готови кон средината на јули.
Leave a comment