СЦЕНА

Котон блуз фестивал со гостинот од Чикаго, Мад Морганфилд

Гостинот од Чикаго, Мад Морганфилд, најстариот синот на еден од најславните блуз имиња на сите времиња Мади Вотерс, ја предводи листата на учесници на годинашното 4. издание на скопскиот Котон блуз фестивал кој ќе се одржи во утре и задутре во Младинскиот културен центар во Скопје. Фестивалот ќе биде отворен со маестралниот гитарист Мухамед Ибрахими на утревечер во 20 часот. Станува збор за тешко дефиниран музички феномен, барем според постоечките музички норми, па ќе речеме дека во него има многу домашен блуз со подмножества од џез, world, етно. Истата вечер ќе настапи „Троја бенд“, чиј специјален гостин на вечерта ќе биде македонски гитарист Игор Атанасоски, или попознат како Гуру Харе. Првата фестивалска вечер ќе кулминира со настапот на данското трио „Трејнмен блуз“, добитници на повеќе европски блуз-награда и познати по тоа што имаат современ пристап со соул зачин на изведба на блуз музиката.

Ади Имери, гитарист и мултиинструменталист, ќе ја отвори втората вечер во четврток, во 20 часот. Тој ќе настапи со соло-перформанс инспиририран од американската госпел песна популаризирана од Blind Willie Johnson, кој го посветил животот на свирење госпел и блуз музика. Мад Морганфилд ќе го затвори Котон блуз фестивалот со енергичен чикашки блуз звук, кој ќе биде спој од неговиот авторски материјал со песни на неговиот култен татко Мади Вотерс. Бендот што ќе го придружува се локалните музичари, Никола Петровски (гитара), Сашо Ѓорѓевски (усна хармоника), Оливер Јосифовски (бас), Горан Попоски (тапани) и Филип Димишковски (клавијатури).

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

СЦЕНА

Театарската претстава „Момчето со пругасти пижами“ вечерва во МНТ

На големата сцена во Македонскиот народен театар во Скопје, вечерва со почеток...

СЦЕНА

„Кино Утро“ во Кинотека почнува на 9. јануари „Зоки Поки“

Во текот на зимскиот распуст, на почетокот на јануари, веќе традиционално Кинотеката...

СЦЕНА

Краткиот игран филм „Дали си маж“ по сценарио и режија на Ѓорче Ставрески на ‘HBO Max’

– Краткиот игран филм „Дали си маж“ по сценарио и режија на...

СЦЕНА

Викендов „Златно Славејче“ во Филхармонија, гостува познатиот рапер Пајак

Претстојниот викенд во Скопје ќе се одржи годинешното издание на реномираниот детски...