Во Музејот на Република Македонија сe одбележа 70-годишниот јубилеј од отпочнувањето на дејноста на Историскиот музеј со отворањето на изложбата „70 Години Историски музеј на Македонија“. Изложбата нуди ретка можност пошироката јавност да се запознае со бројни дела на еминентни македонски сликари и скулптори, од колекцијата на Историскиот оддел при музејот.
Како што ни изјавија од Музејот на Македонија, досега има многу малку посетители за оваа изложба, но се надеваат дека изложбата ќе разбуди интерес кај посетителите бидејќи навистина е извонредна можност на едно место да се видат врвни достигнувања од македонската уметност.
Се работи за вредна колекција на плакати, уметнички дела, оружје, лични предмети на Крсте Мисирков, Димитар Чупоски, меѓу кои и печат на началникот на штабот на македонското востание од 1878 – 79 година.
Изложбата ќе биде отворена во текот на целата година.
Leave a comment