Од минатата седмица скопјани добија нова атракција во градот. Станува збор за електрични тротинети кои можат да се изнајмуваат, а од истите на располагање има вкупно 500. Електричните тротинети може да се сретнат на повеќе локации низ Скопје, од Ѓорче Петров па се до Ново Лисиче. Па толку едноставно како што звучи, секој може да се послужи со нив.
За користење на истите, потребно е да ја имате симнато апликација ‘БинБин’ на вашиот мобилен телефон. При отворање на апликацијата се отвора мапа на која ви се прикажуваат најблиските слободни тротинети, колку батерија имаат и уште колку време има преостанато до испразнување на батеријата. Преку апликацијата се врши и плаќањето кое пак чини 9 денари минута, но доколку преку апликацијата ставите средства од 300 денари, добивате плус 45 денари гратис, а доколку ставите 500 денари, добивате плус 100 денари гратис. Така, цената излегува околу 7 денари за минута возење.
Електричните тротинети можат да се возат само во рамки на дозволените граници означени на мапата која ја дава апликацијата. На пример можат да се возат до Бутел, но не и во Радишани, дозволено е во одредени делови од Визбегово, но не и во Шуто Оризари.
Дозволен реон е Ново Лисиче, но забранета зона е Населба Лисиче. Можат да се возат до Кисела Вода но не и понатаму.
Во вечерните часови, тим ги пронаоѓа преку ГПС-систем и ги враќа на пунктовите за полнење, па така утредента се одновно подготвени за користење.
Кога станува збор за безбедноста во сообраќајот, апликацијата нè потсетува на почитување на безбедносните правила, односно ни препорачува носење на кацига, почитување на вертикална и хоризонтална сигнализација. Исто така е наведено дека управување на тротинетите под дејство на алкохол е небезбедно и забрането.
Во нашата земја се уште немаме закон или конкретен правилник зпри возење на електрични тротинети.
Екипата на 091инфо.мк утринава заблежа и делумни оштетувања на тротинетите кои беа пуштени пред само неколку дена.
Мислењата, пак, се поделени, едни сметаат дека е супер урбано и евтино, а на други им е скапо и доста небезбедна алтернатива.
Leave a comment