Општина Карпош во знак на благодарност ќе исплати по 10.000 денари на 11 здравствени работници од ЈЗУ „Здравствен дом Скопје“. Станува збор за еден доктор, четири доктори специјалисти и шест медицински сестри кои беа ангажирани при извршување на офталмолошките прегледи на дечињата на возраст од пет до шест години, кои се запишуваа во прво одделение во општинските основни училишта.
Општината поради недостаток на термини за офталмолошки прегледи во здравствениот систем, со цел да се помогне на родителите, склучи Меморандум за соработка со Јавната здравствена установа „Здравствен дом Скопје“. Со Меморандумот беа овозможени офталмолошки прегледи, без обврска претходно да се закаже термин. За краток временски период реализирани беа над 400 прегледи, притоа работејќи и надвор од пропишаното работно време.
Leave a comment