На овогодинешната матурска парада, која што се одржа денеска напладне танцуваа квадрил и салса околу 400 матуранти под мотото Стоп за насилството.
Матурската парада 15 години по ред се одржува на плоштадот Македонија во организација на Дирекцијата за култура и уметност и во соработка со град Скопје.
Град Скопје како еден од поддржувачите на оваа манифестација, се досега имаше поздравен говор од претходните градоначалници изминатите години, меѓутоа оваа година градоначалничката не дојде на овој настан за да ги поздрави матурантите и да им го честита матурирањето. На нејзино место дојде заменик граданачалникот Александар Трајановски со повреда на ногата и отежнато одење.
На матурската парада 2023 која се одржа на плоштадот во Скопје, паралелно со одржувањето на истата манифестација во 50тина други градови од Централна и Источна Европа, министерот за образование и наука Јетон Шаќири на матурантите им посака многу среќа и успех понатаму во животот, очекувајќи како што рече, сегашните генерации да бидат предводници на нови позитивни промени и на просперитетот на државата.
Сега сите се наоѓате пред испитот на зрелоста, на крстосница на која мора да одлучите во кој правец ќе се движите. Некои од Вас ќе одлучат да го продолжат образованието и јас давам совет, освен по личните афинитети и желби, да се водите и според информациите за тоа каков кадар недостасува на пазарот на трудот. Така работодавците сами ќе ве бараат. Некои пак, директно ќе се вклучат на пазарот на трудот. И нив ги советувам, да продолжат да се надградуваат, да ја користат секоја прилика за стекнување нови знаења и вештини. Сепак, образованието не е чин, туку процес кој трае цел живот“, рече министерот.
Честитајќи им го матурирањето, рече дека верува во младите и во нивната енергија која допрва треба да ја преточат во конкретни дела во своја и во корист на државата.
„На овој убав настан сакам да испратам и една многу важна порака, за ширење на мир, љубов, толеранција и почит. Сакајте се и почитувајте се меѓу себе. Немојте никогаш да бидете насилни. Почитувајте ги различностите и на нив гледајте како можности за обединување, а не како предизвици“, истакна министерот.
Целиот настан го водеше бинго девојката Маријана Станојкоска која на крајот на звуците на салса музиката заигра заедно со матурантите.
Leave a comment