ЈП „Лајка“ почна кампања за сузбување на предрасудите кон кучиња од расата питбул. Во стационарот во моментов има 15 питбули и тимовите на „Лајка“ бараат дом за нив. Како што велат интересот за нив е многу мал и затоа ја почнуваат кампањата „Не дискриминирај, биди кул. Вдоми љубов, вдоми питбул“.
„Целта на оваа кампања е да ја покренемe свеста за овие раси, кои поради луѓето кои ги злоупотребуваат се здобиле со лоша репутација и се надеваме дека ќе поттикнеме повеќе луѓе да ги вдомат и чуваат соодветно, како што заслужуваат. Нивниот “страшен” изглед, не ги прави страшни и лоши кучиња, напротив тие можат да бидат прекрасни миленици и најдобри пријатели“, велат од „Лајка“.
Leave a comment