Собрани 60 кубни метри кабаст отпад од градинките и училиштата

Од почетокот на месецов екипите на ЈП „Комунална хигиена“ отстранија вкупно 110 кубни метри отпад низ градот. Во рамките на активностите подигнати и транспортирани се приближно 60 кубни метри кабаст и амбалажен отпад од дворовите и внатрешните простории на градинките, основните и средните училишта во сите скопски општини.

Како што велат од претпријатието исто така расчистени се и 50 кубни метри отпад од диви депонии во општината Гази Баба, лоцирани во близина на автобуската постројка во населбата Хиподром и на улицата Перо Наков.