Паркирањето во Клинички ќе се реши со јавно приватно партнерство

Кои ќе го работи најголемиот паркинг во главниот град кој е во рамките на Клиничкиот центар се уште не се знае. Во последниот одговор на Министерството за здравство, за тоа кога ќе се распише постапка за нов концесионер или дали се во план други начини за паркирањето во државна, се вели дека „Во однос на решавањето на проблемот со паркингот на комплексот Клиники, идејното решение е во процес на реализирање, а паралелно се развиваат консултации со групи од интерес“. Но, сосема е извесно дека во иднина ЈП Градски Паркинг нема да стопанисува со ова паркиралиште.

Според неофицијални информации Министерството за здравство односно Клиничкиот центар ќе склучи договор за јавно приватно партнерство со приватна фирма, како што беше и предходно, пред со него да стопанисува јавното претпријатие.

Планирано е ова паркиралиште да се воведе и паркирање на нивоа за конечно да се стави крај на хаосот во најголемата здравствена институција во државава.

Дневно во Клиничниот центар влегуваат и излегуваат околу 4000 возила, а паркингот располага со околку 800 паркинг места. Еден час паркирање во Клинички чини 25 денари.