Награди за претставата „Роња“ на Театарот за деца и младинци во Нови Сад

Претставата „Роња, ќерката на ограбувачот“ од Астрид Линдгрен, во режија на Јакуб Максимов на фестивалот „Новосадски театарски игри” се закити со две награди. Жирито едногласно донесе одлука на претставата да и додели Гран при, а наградата за најдобра анимација на кукли ја доби актерката Матеа Јанковска која ја има улогата на Роња во истоимената претстава, соопшти денеска Театарот за деца и младинци.

Во образложението на жирито за доделување на Гран при-то меѓу другото пишува дека претставата „Роња, ќерка на ограбувачот“ е „исклучително повеќеслојна во сите нејзини сегменти. Во исто време архаична и модерна, и ги поседува сите потребни карактеристики за првокласна претстава”.

Приказната во „Роња, ќерката на ограбувачот“ зборува за мостовите во животот. Драматург е Горјан Милошевски, а во претставата, освен Јанковска, играат и Ангела Димитрова, Никола Наковски, Катарина Илиевска – Силјановска, Петар Стојанов, Мики Анчевски.

Од денеска пак па во следните два дена, претставата ќе учествува на фестивалот 25.Меѓународен куклен фестивал „Златна искра“, српскиот град во Крагуевац.