ЈП „Градски паркинг“ преку својот Фејсбук профил соопшти дека во Скопје од петокот почнало изнајмување на електрични тротинети. Колку чини еден час рентање и како ќе функционира проектот не се знае бидејќи во објавата нема никакви детали, а новинари на промоцијата не беа поканети.
„Денеска почна со реализација проектот за изнајмување 500 електрични тротинети, стационирани на 19 базни станици низ градот на ЈП „Градски Паркинг“ – Скопје. Сите електрични тротинети се опремени со GPS уред, а со цел зголемена безбедност на корисниците, нивната максимална брзина може системски да се ограничува до 24 километри на час.
Целта на овој проект е подобрување на квалитетот на воздухот во градот Скопје и унапредување на здравјето на луѓето, преку стимулирање на граѓаните да користат алтернативни начини на превоз, со што би се намалило загадувањето од возилата учесници во сообраќајот“, стои на Фејсбук страната на „Градски паркинг“.
Leave a comment