КУЛТУРА

КРИС КАРТЕР ПРИРЕДИ ВИСТИНСКО САЕМСКО ЛУДИЛО НА ШТАНДОТ НА САКАМ КНИГИ

Вчера на штандот на Сакам книги читателите чекаа во ред долг скоро до влезот на Саемот за да се поздрават и добијат автограм од нивниот омилен пистаел – Крис Картер кој оваа година беше во центарот на вниманието на 35. Издание на Саемот на книга.

Тиражите на неговите две најнови книги „Јас сум смрт“ и „Јавувачот“ веќе се при крај и со огромна радост можеме да констатираме дека Крис Картер сруши рекорди по продажба, велат издавачите.

Рекорди беа срушени и по продадени влезници на саем, како што не памети Саемот.

За добрата атмосфера на штандот се погрижи и диџеј Јанко, убавата енергија на целиот тим на издавачот како и среќните и возбудени лица на посетителите.

Ана Гублер (книжевен инфлуенсер) за екипата на 091инфо.мк изјави дека и два дена би чекала во ред само за да добие шанса да се поздрави со него и да добие автограм од него.

Во редицата можеа да се забележат и доста автори кои му се восхитуваат и му се најверни читатели.

Крис Картер

Наде Стојиљковиќ, познат автор и новинар, беше дојдена уште од 10 часот само за да си фати место и меѓу првите да добие автограм од сензационалниот трилер мајстор Крис Картер.

Слаѓан Славенски, автор и голем обожавател на Крис Картер, изјави дека ќе чека во ред колку и да е потребно затоа што оваа можност е неповторлива и не би ја пропуштил за ништо на светот.

А Крис Картер воодушеви со неговата енергија која доминираше на сцената. Успеа да се прегрне, да се фотографира и да размени по некој збор со сите кои дојдоа да се поздрават со него.

За 091инфо.мк Картер изјави дека е премногу задоволен од пречекот и приемот во Македонија. Со петчасовното потпишување книги вчера, рече дека Македонија е тука негде веднаш по Германија каде срушил рекорди во потпишување примероци.

Вечерва со почеток од 18 часот сите кои набавија на време билети за настанот во Синеплекс ќе можат уште еднаш да бидат во негово присуство и да го проследат разговорот меѓу него и македонскиот автор на трилери Јордан Коцевски.

Со вчерашниот настан се потврди дека македонските читатели се многубројни и тука се кога треба да се претстави Македонија во најдобро светло пред странските автори.

Од издавачката куќа Сакам книги искрено се заблагодаруваат на поддршката од читателите и медиумите и се надеваат дека во иднина повторно ќе имаат можност да приредат вистински спектакл на македонската читателска публика која го заслужува тоа.

Leave a comment

Напишете коментар

Вашата адреса за е-пошта нема да биде објавена. Задолжителните полиња се означени со *

Related Articles

КУЛТУРА

Филмови на Јан Кадар во Кинотека

Филмови на еден од најголемите режисери на денешницата, словачкиот режисер Јан Кадар...

КУЛТУРА

Изложба на фотографии на украинска визуелна уметница Софија Чотирбок

Во Националната Галерија Мала Станица се отвара изложбата на фотографии насловена како...

КУЛТУРА

Традиционален „Зимски салон 2024“ на ДЛУМ во Чифте амам

„Интимност и интерконекција“ (Intimacy and Interconnection) е насловот на биеналната изложба „Зимски...

КУЛТУРА

„Кобалт Синергија“ во галеријата на МКЦ

Во галеријата на Младински културен центар во Скопје овој петок (23 февруари)...